PUKA MEKA KAIMAHI TAITAMARIKI

KA WHAI PĀNGA RĀNEI TE TURE KI NGĀ KURA, NGĀ KURATINI ME NGĀ WHARE WĀNANGA?

He wāhi mahi mō ā rātou kaimahi ngā whakanōhanga mō te mātauranga me te whakangungutanga pērā i ngā kura, ngā kuratini me ngā whare wānanga. Nō reira, kia anga ngā kaitukumahi (hei tauira, ngā poari whakahaere) me ngā kaimahi (hei tauira, ngā kaiako) ki te mahi i ngā mahi tauwhāiti ki te tiaki ka kore ngā ākonga e whara i ngā mahi ka mahia.

KA WHAI PĀNGA RĀNEI KI AHAU I NGĀ HŌTAKA WHEAKO MAHI?

Ka whai pānga te Ture mō te Hauora me te Haumaru i te Mahi ina kei te wāhi mahi tētahi tangata ko te whakangungu ki te mahi, ko te kite wheako rānei i te mahi te take, ahakoa ehara ia i te kaimahi.

PĒHEA TE MAHI HAMANGA ME TE MAHI I NGĀ WĀ HARAREI?

Ki te mahi koe i tētahi mahi hamanga, wā hararei rānei, kei raro koe i te ture pērā i tētahi tangata e mahi wā kikī ana. Ka pēnei ahakoa te nui o ō hāora mahi, te roanga rānei o tō mahi.

PĒHEA NGĀ MAHI PĒNEI I TE TIAKI PĒPI, TE TAHITAHI WHARE, TE MAHI MĀRA, TE HOROI MOTOKĀ, TE PEITA WHARE?

Kāore e uru ki te Ture ngā mahi whai utu ka mahia e koe mō tētahi tangata i roto i tōna whare. Ka pēnei ahakoa tō mōhio ki taua tangata, ahakoa e hia ō hāora mahi, ahakoa pēhea rānei tō kitenga i taua mahi (hei tauira, mā tētahi pānui nūpepa, mā te Kimi Mahi mō ngā ākonga rānei).

KA WHAI PĀNGA TE TURE KI TE MAHI AHAU MŌ TĒTAHI O TŌKU WHĀNAU?

Ki te utua koe mō te mahi, otirā kāore te mahi e mahia i te kāinga o te mema whānau, ka whai pānga te Ture. Ki te ruarua koe mō tētahi o ō motika i te wāhi mahi, haere ki www.dol.govt.nz, waea rānei ki te Tari Mahi i 0800 20 90 20.

Hei aratohu noa ēnei pārongo, ā, tērā pea kāore e tika mō ngā āhuatanga mahi katoa. Kaua e whakamahia hei whakakapinga mō te tohutohu a te rōia, mō tētahi atu tohutohu tautōhito rānei.

ISBN 978-478-28172-9

Kia mōhio ki ō motika!